Euskal Gorrak (Pertsona Gorren Elkarteen Euskal Federazioa), EAEko Pertsona Gorren Elkarte ezberdinak bildu eta ordezkatzeko beharrizanetik 1980.urtean sortutako irabazi-asmorik gabeko erakundea da. Federazioaren jatorrizko izena FASE (Gorren Elkarteen Euskal Herriko Federazioa) da, baina 2002.urtean egungo izenak ordezkatu zuen.
Euskal Gorrak EAEko Gor helduen Elkarte guztien koordinatzaile eta ordezkari moduan jokatzen du eta euskal lurralde osoan pertsona gorrek oinarrizko zerbitzuak jaso ditzaten bermatzera bidean lan egiten du.
Azken xedea pertsona gorren erabateko gizarteratze eta parte-hartzea lortzea da, Gorren Komunitatearen elkarte-sarea eta kultura defendatuz eta sustatuz: euren berezko hizkuntza den ZH; euren ohiturak,… Horretaz gain, genero-berdintasuna, inguruarekiko begirunea zein euskararen sustapena bezalako balore garrantzitsuak ardatz dira erakundearen esku-hartze ildoan.
2008.urtetik geroztik, Federazioaren jarduna nabarmen murriztea eragin zuen krisialdia gainditu ostean, giza baliabideak eta ekonomikoak eraginkortasunez kudeatzea ahalbidetu duen barne-berregituraketa gauzatu dugu. Horri esker, EAEko Gorren Komunitatearen aldeko proiektu eta egitasmo berriei ekin ahal izan diegu.
Azkenik, eta aipatutako eraldaketaren ondorioz, Euskal Gorrakek bere jatorrizko zeinua aldatu du erakundearen irudi eta itxura berrira egokituz.
